摩連奴出手挖角　費倫巴治想簽連迪路夫

摩連奴6月初正式成為土耳其球隊費倫巴治教練之後，開始組軍工作，根據土耳其媒體《Fotomac》爆料，「寸王」打算向曼聯挖角，簽入昔日愛將域陀連迪路夫。

據悉摩連奴希望為費倫巴治簽入4至5位球員，優先考慮收購中堅，頭號目標就係域陀連迪路夫。「寸王」執教曼聯期間，喺2017年夏天豪花3,500萬歐元(約2.9億港元)向賓菲加收購域陀連迪路夫，至今仍然非常欣賞呢位29歲瑞典國腳。

如非傷停問題，曼聯正選中堅組合屬於利辛度馬天尼斯及哈利馬古尼，域陀連迪路夫只能擔任後備，不時傳出可能離隊，加上「伯樂」摩連奴今次向佢招手，連迪路夫的確有機會去土超搵食。