謝德謙：英軍質優有望拔頭籌

歐洲國家盃可以說令到整個英國籠罩着「只想足球不想上班的感覺」，每個英國人都希望英格蘭今屆可以突圍而出，身邊亦有不少朋友飛往德國，準備替英軍打氣。「三獅軍團」分組賽首場面對塞爾維亞，為了爭取出線資格，兩軍相遇必定寸士必爭，特別今屆係塞爾維亞自獨立後首次躋身決賽周，必定額外有動力。

塞爾維亞靠「雙塔」攻堅

塞爾維亞上場熱身賽以3比0擊敗瑞典，憑着阿歷山大米祖域、尼高拉斯米連高域及杜辛泰迪治嘅入波取勝，為今場比賽注入強心針。面對同組強敵英軍，相信主帥史杜高域繼續倚重泰迪治提供傳送，畀「雙塔」米祖域及杜辛華荷域去衝擊「三獅」防線。

英格蘭參加今次歐國盃，大軍名單人才濟濟，連哈利馬古尼及基亞利殊都名落孫山，主帥修夫基相信今埸面對塞爾維亞不容有失，特別係上場熱身賽以0比1不敵冰島，修夫基必定提醒一眾子弟兵打醒十二分精神。以雙方攻擊力不相伯仲，估計呢場都會大打進攻足球，英軍有望以球員質素打開勝利之門。