唔怕改壞名！「不敗男」法比安獲最佳球員

西班牙喺今屆歐國盃首仗大勝克羅地亞，16歲新人王耶馬搶晒風頭，不過西班牙中場法比安彭拿今仗滿場飛嘅表現，加上1入波同1助攻嘅功課，就令佢獲歐洲足協選為今場最佳球員。領隊富安迪賽後表示，法比安彭拿一直未受關注，只因個名太普通。

富安迪賽後表示：「法比安彭拿係全能球員，佢識做所有嘅時，而且任何時候都做到最好，如果佢個名唔係叫『法比安』，球迷肯定會日日提住呢個球員。」效力巴黎聖日耳門嘅法比安彭拿就話：「喺咁艱難嘅比賽入面贏波令人開心，我哋表現出色，喺歐國盃入波更加興奮。」

28歲嘅法比安彭拿，今場係第24次代表西班牙上陣，而佢有份落場嘅比賽，西班牙一共錄得15勝9和不敗佳績，成為球隊嘅「不敗男兒」。