大預言家？韋格賀斯賽前預視絕殺劇本

荷蘭喺歐國盃驚險反勝波蘭2比1，前鋒韋格賀斯喺最後9分鐘入替，只係落場2分18秒就攻入致勝球，佢賽後透露自己一早預視自己會係入波英雄，而且仲同女友講埋呢個絕殺劇本，認真神奇。

韋格賀斯賽後表示：「你係會有預感，我女朋友今朝猶豫緊要唔要入場，我就同佢講喺70分鐘嗰陣會係打和，跟住我就會入場同入波。有時你就係有呢啲預感，我覺得非常開心同榮幸。」

2年前世盃8強荷蘭對阿根廷，荷蘭喺落後0比2情況下，韋格賀斯78分鐘入替連入2球，連埋今場嘅1射1中，韋格賀斯最近3次國際大賽嘅射門全部轉化為入球，效率奇高。