【有片】超核突！朗奴高文食鼻屎識抹嘴
2024年06月17日 13:00
東網電視
更多新聞短片
朗奴高文場邊「開餐」。
做得國家隊嘅領隊，大部份人都好注重形象，不過荷蘭領隊朗奴高文喺對斯洛文尼亞一仗，就上演超核突一幕。朗奴高文畀鏡頭影到佢喺場邊「採礦」，隨即仲擺埋入口品嚐兼識得抹嘴！影片喺網上瘋傳，令人諗起昔日德國「鼻屎佬」領隊勒夫。
荷蘭今場踢得唔順暢，朗奴高文個鼻亦似乎唔太舒服，鏡頭影到佢先用右手背摔鼻，掃乾淨之後意猶未盡，再用左手撩鼻哥窿，而且非常熟練咁直接將鼻屎擺入口，抹完嘴再「品嚐」多次左手嘅留香，睇到球迷反胃。