拒絕1億歐元報價　拿玻里與「KK」父親爆罵戰

拿玻里翼鋒「KK」基華拉斯基利亞今夏成為搶手貨，歐國盃前夕PSG提出1億歐元(約8,500萬港元)報價，但遭拿玻里拒絕，此舉引來「KK」父親及其經理人不滿，結果演變成同拿玻里隔空對罵。

拿玻里今季意甲成績大跌，僅排第10，來季無緣歐洲賽，不過拿玻里新帥干地已將「KK」列作球隊計劃一部分，打算捲土重來。

意大利傳媒報道，PSG開價1億歐元求購該位格魯吉亞新星，但遭拿玻里拒絕，引來「KK」父親不滿，並公開表示：「我唔想阿仔留喺那不勒斯，佢一年內同4位教練合作，令我好擔心，我仲未同阿仔商量，等踢完歐國盃再傾。」「KK」經理人亦有類似言論，希望利用輿論逼使拿玻里放人。

面對「KK」身邊嘅人咁唔畀面，拿玻里亦發表聲明反駁：「針對基華拉斯基利亞嘅去留，會方重申該球員尚有3年合約，球員並不在市場上，決定球員去留並非經理人或父親，而係球會。」