麥巴比將戴面罩頂硬上　變身真正忍者龜

法國前鋒基利安麥巴比上場歐國盃對奧地利，爭頂時撞傷導致鼻樑骨折，原本需要接受手術，但佢經過初步治療之後，決定唔開刀，希望能夠出戰下場分組賽對勁敵荷蘭，預料麥巴比屆時需要戴面罩上陣，令佢外型更加似忍者龜。

法國足總原本指基利安麥巴比將會開刀，但其後又轉口風，發表聲明話：「麥巴比已返回球隊大營，佢出現鼻樑骨折問題，並已接受軍醫治療，佢未來幾日會繼續接受治療，但短期之內，唔會立即接受手術，我哋會為佢特製一個面罩，令佢嘅可以獲得保護，復出比賽。」

由於基利安麥巴比一直被指樣貌似漫畫角色忍者龜，而忍者龜形象設計上戴有面罩，網民紛紛指麥巴比戴上面罩比賽，終於變成真正忍者龜。