41歲比比成歐國盃最老球員　防守數據勁堅

葡萄牙中堅比比今場正選上陣，以41歲113日之齡成為歐國盃史上最老上陣球員，佢亦交出穩健表現，而且葡萄牙就算最後贏波，比比仍對失球耿耿於懷。就係呢份對完美嘅執着，令比比可以咁大年紀仍然保持高水平表現。

捷克今場反擊有唔少威脅，但比比領導嘅防線就水來土掩，佢全場錄得2次解圖、3次搶截、9次對抗贏出7次，包括3次爭頂100%成功，而且仲有全場最高嘅11次重奪球權，係葡萄牙成功控制戰局因素之一。

比比賽後表示：「我要向老婆同仔送上一個吻，佢哋知道我為咗今日付出咗幾多，今場比賽非常艱難，我哋唔應該失波，領隊提醒我哋要保持冷靜，好在球隊最終都完成任務。」