1球神射手！首輪分組賽入波全部唔同人

隨住周三(19日)凌晨F組賽事，首輪分組賽正式完結，今屆歐國盃24隊亦全部亮相。有趣嘅係，首輪賽事34個入波全部嚟自唔同球員，所以目前射手榜係全部1球並列榜首，呢個情況係歐國盃史上首次出現。

首輪賽事有唔少大比數賽果，12場賽事出現34個入波，場均入波2.83球，好似德國5比1大炒蘇格蘭、西班牙3比0贏克羅地亞等等，不過暫時冇人可以攻入多過1球，31個球員以1球並列射手榜榜首。

如果要數最大入球貢獻，「烏龍波」就以3球成為「士哥王」，羅賓夏蘭歷(捷克)、魯迪格(德國)同禾巴(奧地利)各入1球烏龍波。上屆歐國盃有史上最高嘅11球烏龍球，今屆有機會打破紀錄。