搶般費風頭　域天拿當選最佳球員

葡萄牙喺歐國盃反勝捷克2比1，賽後當選今場最佳球員並非C朗、般奴費南迪斯，或者入波功臣法蘭斯高干斯卡奧，而係中場域天拿，呢位24歲巴黎聖日耳門球星攻守兼備，搶晒般費風頭，成為今場葡萄牙中場核心人物。

歐洲足協評論指出，域天拿控制比賽節奏，傳球次數及成功率都非常出眾，並且防守亦作出貢獻，多次逼到對手失誤。根據統計數據，域天拿今場有112次觸球，屬於全場球員之冠，傳球91次，成功率有94.5%，並有2次關鍵傳球。

防守方面，域天拿有1次攔截、2次搶斷、6次地面對抗勝出，仲有3次逼使對手犯規，當選最佳球員絕對實至名歸。