曼聯正式出手　荷蘭神鋒成「魔」好事近

曼聯一直有意今夏簽入前鋒，填補安東尼馬迪爾離隊之後嘅位置，根據「轉會權威」記者羅曼諾(Fabrizio Romano)爆料，紅魔鬼近日開始研究博洛尼亞射手約舒亞舒克斯嘅解約條款、薪酬、轉會佣金等資料，準備出手收購呢位23歲荷蘭國腳。

約舒亞舒克斯出身於拜仁慕尼黑青年軍，兩年前轉投意甲球隊博洛尼亞，上季踢34場聯賽入11球，引起各大豪門注意。《天空體育》指曼聯已經接觸約舒亞舒克斯嘅經理人，展開轉會談判，由於約舒亞舒克斯嘅解約金只係4,000萬歐元(約3.35億港元)，如果佢同意成「魔」，曼聯支付呢筆費用並冇問題。除咗曼聯之外，AC米蘭、阿仙奴都有興趣簽入約舒亞舒克斯。

約舒亞舒克斯原本落選荷蘭出戰今屆歐國盃大軍名單，但由球隊連接出現傷兵，佢最終獲得補選，上場對波蘭，並冇上陣。