C朗冧爆粉絲　跨過草叢同球迷自拍

超級巨星C朗拿度喺歐國盃登場已經刷新紀錄，雖然未有入波，但粉絲見佢踢得咁落力，一定畀Like，而呢位「萬人迷」亦相當識得「收買人心」，難怪佢嘅IG追蹤人數已破6億，認真誇張。

C朗嘅粉絲遍布世界每個角落，嚟到歐國盃就一定有批忠粉，不過唔係每個球迷都可以埋到身，要攞簽名甚至合照真係難上加難。但有3位球迷就係葡萄牙對捷克賽前，喺訓練場外苦等，隔住圍欄只想遠望偶像，估唔到C朗越過草叢，走到圍欄側邊同呢3位朋友自拍，真係冧到爆。

C朗喺葡萄牙開波前已上載了一條關係自己代表國家隊征戰嘅短片，以激勵隊友，並得到大批粉絲力撐。