卻奧斯精準傳送一劍封喉 德國出擊半大好路
2024年06月19日 16:02
東網電視
更多新聞短片
歐國盃A組，德國迎戰匈牙利。
歐國盃A組第2輪，東道主德國再度登場，主場迎戰匈牙利。「日耳曼兵團」首場5比1大勝蘇格蘭，取得夢幻開局，全隊士氣高漲；反觀匈牙利首戰落敗，肯定要急起直追，佢哋近3場半場全開2球或以上，半場大值博。(Now 618周四凌晨零時直播)
德國首場不但大勝，最大收穫係兩位超新星科利安華迪斯同穆斯亞拿齊齊有「士哥」，對賽事往後發展有莫大好處，而兩位射手夏維斯同富克洛亦各有進帳，預期佢哋今場會繼續爭取入波，不過略嫌美中不足嘅係末段出現失球，亦反映球隊後防並非牢不可破。
一眾攻擊球員交到貨，德國首場表現最好嘅其實係卻奧斯，呢位皇馬防中好似裝咗「電眼」咁，全場102次傳送只失過1球，成功率達99%創歐國盃歷史紀錄，今場主帥拿高斯文會改由柏斯高哥斯拍佢，代替安特列治，繼續狂轟對手。
匈牙利賽前被視為奇兵，但首輪對瑞士慘負1比3，今場挑戰同組最強嘅德國，相信已經再無退路，死守肯定輸得更慘，又因為佢哋近3次對德國1勝2和，包括上屆分組賽踢成2比2，反而放手一博同對手鬥攻仲有一線生機，預計一開波就鬥攻，1.5球嘅半場大有計。
不過，睇番德國近3次對匈牙利，半場角球全部少過5球，其中2次少過3球，今仗可考慮埋4.5球半場角球「細」，賠率有1.73倍，相對嚟講算好分。
至於馬會歐國盃2024半場速決遊戲，首5日賽事嘅半場問題分別係上半場有幾多個開出角球（德國對蘇格蘭）、上半場有幾多面黃牌（匈牙利對瑞士），上半場兩隊一共作出幾多位球員調動（波蘭對荷蘭）、半場賽果（羅馬尼亞對烏克蘭）、李安度杜沙特嘅國家隊波衫號碼（比利時對斯洛伐克），以及上半場幾多分鐘入第1球（土耳其對格魯吉亞），故今晚德國對匈牙利，球迷可先從呢啲方向入手。另外，球迷亦可留意其他細節位，例如上半場有冇烏龍波、12碼數目、紅牌數目及總入球。
即刻玩：
更多賠率：