英格蘭鬧左閘荒　里奧獻計：沙卡可客串

英格蘭領隊修夫基透露，勞基梳爾仍然未適合參加比賽，加上上場歐國盃對塞爾維亞出任左後衞嘅捷比亞受輕傷，可能缺陣周五(21日)凌晨對丹麥，出現左閘荒。曼聯名宿里奧費迪南獻計，認為可以安排踢慣右翼嘅布卡約沙卡客串左後衞。

里奧費迪南話：「勞基梳爾傷勢有麻煩，如果捷比亞都唔踢得，我認為可以安排布卡約沙卡踢左後衞，佢係英超最佳翼鋒，亦有能力出任左後衞，我記得當年阿仙奴兩位左閘基蘭泰亞尼、哥拉辛拿斯缺陣期間，佢踢過呢個位置，現時英格蘭冇其他更佳選擇。」

布卡約沙卡曾經講過，雖然自己唔慣踢左後衞，但願意去學習，仲話客串左閘，可以令自己了解防守球員想法，對於出任右翼負責進攻，亦有幫助。