【有片】高爾彭馬齋坐　冷漠握手無視修夫基

英格蘭連續2場歐國盃踢出醜陋足球，一眾正選攻擊球員踢唔出水準，偏偏上季英超最具創造力嘅高爾彭馬，至今仍然1分鐘都冇落過場。高爾彭馬完場後被影到態度冷漠咁同修夫基握手，過程甚至冇望過領隊一眼，不滿之情表露無遺。

英格蘭對丹麥嘅下半場中段，修夫基一口氣換晒兩翼同前鋒，不過換入嘅係伊比爾治伊斯、查洛保雲同奧尼屈堅斯，連同上仗對塞爾維亞，高爾彭馬連續2場都齋坐，須知呢位車路士球星上季有27個入波同15次助攻，唔少球迷都戥佢唔抵。

高爾彭馬冷漠同修夫基握手：https://twitter.com/i/status/1803850156003008955　

西班牙球星法比加斯早前就批評修夫基：「當你換入防守球員去保住勝果，球員心理上就會變得保守，但如果你換入高爾彭馬，佢喺前場嘅控球同進攻，會令球隊踢得更舒服，球員會感覺到你嘅用意。」