查斯亞艾辛尼一球成名　超級瑪利奧幫到手

阿爾巴尼亞喺今屆歐國盃表現搶鏡，1比2僅負傳統勁旅意大利，繼而戲劇性迫和克羅地亞，特別係射手查斯亞艾辛尼最近更成為網絡紅人，皆因佢有一對「超級波砵」。

查斯亞艾辛尼喺對戰克羅地亞一役，11分鐘佢就攻破敵方為球隊開齋，做出今屆歐國盃入球最快嘅紀錄，呢位29歲效力韓職光州FC嘅球員，賽後被發現佢原來穿一對印上經典遊戲角色超級瑪利奧兄弟圖案嘅戰靴，左腳波砵更是瑪利奧跳上綠龜攞金幣，引起唔少球迷注視，更有網民笑指佢搵瑪利奧幫到手。

呢對「超級波砵」引發唔少球迷，除左留意球員嘅波衫之外，亦睇埋佢哋對波砵，其實好多球員都花咗唔少心思喺波砵上面，記載住一啲故事，有啲球員會紋上紀念日子，而好似西班牙嘅耶馬，就喺自己嘅波砵上加左摩洛哥及赤道幾內亞嘅國旗，以表示唔會忘記父母嘅出生地。