烏克蘭怕輸先求穩 斯洛伐克睇定食追半和
2024年06月21日 15:01
東網電視
更多新聞短片
歐國盃E組，斯洛伐克對烏克蘭。
上場爆冷擊敗比利時嘅斯洛伐克，喺E組次輪鬥烏克蘭。斯洛伐克手執3分，今場唔使急住搶分，先穩住後防再搵機會反擊；烏克蘭再攞唔到分就唔掂，所以半場應該都係以唔輸為目的，兩軍近4次交手，3次開半場和，值得追多一口。（Now 618周五晚9時直播）
斯洛伐克連續兩屆歐國盃，小組首輪都贏波，2020年擊敗波蘭，但之後兩場不敵西班牙同瑞典，最終只得3分，未能以最佳小組第3晉級淘汰賽，今屆肯定會踢得謹慎，相信以1分為目標，以佢哋近3場保持不失嘅狀態，對烏克蘭踢穩守突擊應該唔難。
一般預計，斯洛伐克會沿用上仗正選陣容，根據數據公司Opta統計，呢11人平均年齡係30歲零229日，係自2016年意大利16強擊敗西班牙嘅30歲零319日後，最年長陣容，而門將杜巴夫卡（35歲）、後衞比卡歷（37歲）同中場古卡（37歲）一齊上陣，亦係自2008年法國杜林、馬基列尼及哥柏之後，歐國盃有3名超過35歲嘅球員同場作戰，所以斯洛伐克上半場一定會保留體力，唔會亂嚟。
烏克蘭上場對羅馬尼亞，控球率高達71.3％，可惜當一失去控球權就輸波，仲要吞3蛋咁大鑊，上半場29分鐘已經輸第1球，預料「藍黃兵團」今仗上半場肯定打醒12分精神，如果畀斯洛伐克撞入一粒，佢哋都幾難追，加上兩軍近4次交手，3次半場不分勝負，半場和值得再追。
馬會「半場速決」遊戲 留意有冇紅牌
歐國盃2024半場速決遊戲，首6日賽事的半場問題分別是上半場有幾多個開出角球（德國對蘇格蘭）、上半場有幾多面黃牌（匈牙利對瑞士），上半場兩隊一共作出了多少位球員調動（波蘭對荷蘭）、半場賽果（羅馬尼亞對烏克蘭）、李安度杜沙特的國家隊球衣號碼（比利時對斯洛伐克）、上半場幾多分鐘入第1球（土耳其對格魯吉亞），以及有冇烏龍波（德國對匈牙利），故今晚斯洛伐克對烏克蘭，球迷可先從這些方向入手。
另外，球迷亦可以留意其他細節位，例如是上半場有冇12碼、紅牌數目、總入球或執法球證國籍。
即刻玩：
更多賠率：