麥巴比新LOOK操練　忍者龜＋歌聲魅影

早前撞傷鼻骨嘅法國球星基利安麥巴比周四（20日）首次戴上保護面罩進行操練，即成為焦點，面罩以法國國旗三色為主，相當搶眼，但有球迷就質疑面罩似眼罩多啲，能否真面保護到整個鼻子。

球迷期待嘅麥巴比變身忍者龜場面終於出現，這位25歲前鋒在操練時戴着嘅面罩，由法國國旗顏色藍白紅為主，中間有代表法國國家隊嘅公雞標誌，藍色部份印上麥巴比名字「KM」，紅色部份則有兩粒白色星星，代表法國隊曾贏過兩屆歐國盃。

對於麥巴比這個新LOOK，球迷紛紛留言，「真係變咗忍者龜」、「可以保護鼻子嗎?」、「真係變咗忍者龜」、「叫對方球迷唱番首歌聲魅影（Phantom of the Opera）」，當然球迷最關心是他能否上陣對戰荷蘭？法國主帥迪甘斯表示，麥巴比嘅情況都算唔錯，但要再視乎賽前佢嘅狀況再作判斷，迪甘斯強調一切都趨向正面。