罗拔佬沦“吉祥物” 波兰冇气“细”
2024年06月21日 17:02
东网电视
更多新闻短片
欧国杯D组，波兰火并奥地利。
欧国杯D组第2轮赛事，波兰火并奥地利。两队首战齐齐失利，今场碰头双方都不容有失。有消息指波兰队长罗拔利云度夫斯基有望复出，但呢位射手家阵只系“吉祥物”，可以提升士气但难有大作为，考虑到奥地利同样踢法硬净，2.5球入球细属不二之选。（Now 618周六凌晨零时直播）
D组有法国同荷兰两支顶级球队，本身已经难打，波兰开赛前夕更有队长“罗拔佬”因伤缺阵，但佢哋上场对荷兰仍然靠阿当布沙先开纪录，可惜其后连失两球反输1比2，第2球要到临完场先失守，顶唔住荷兰攻势唔怪得佢哋，但今场要守住奥地利进攻，相信可以做到。
不过，波兰今场就算有“罗拔佬”复出，相信只系好似“吉祥物”咁对士气有帮助，实际作用未必如想像中大。事关呢位巴塞前锋已经35岁，活力大不如前，加上伤愈冇耐就要佢喺前线冲锋陷阵，火力难有保证，况且奥地利又擅打逼抢，自然有方法招呼佢。
由“逼抢之父”兰历克领军嘅奥地利，上场面对法国狂攻都顶得住，结果喺中坚禾巴“摆乌龙”之下仅输0比1，表现可以接受，但双方都唔想输之下，加上佢哋近3次交手全开2球或以下，估计又系一场闷战，捧2.5球入球细之馀，补个和都唔错。
更多赔率：