波蘭成歐國盃首支出局球隊　普比斯無悔

歐國盃D組第2輪賽事結束，2連敗嘅波蘭成為今屆首支出局球隊，領隊普比斯表示無悔今屆嘅踢法，認為波蘭已經奠下前進嘅根基，相信未來會不斷進步。

波蘭以1比3不敵奧地利後，由於法國同荷蘭打和各有4分，而0分嘅波蘭對賽成績又唔及3分嘅奧地利，意味佢哋肯定排榜尾，連續2屆分組賽包尾出局。

波蘭主帥普比斯賽後表示：「結果令人心痛，但我要多謝球迷支持，我哋見到球隊逐漸成形，球隊呢2場踢得好有侵略性，我對決定絕不後悔，波蘭會繼續呢種積極踢法，呢個係球隊前進根基，只需要再進一步完善。」