蘇格蘭再受打擊　基蘭泰亞尼重傷退隊

蘇格蘭喺歐國盃A組2戰只有1分，瀕臨出局之外，再遭受打擊，後衞基蘭泰亞尼上場對瑞士傷出，經過驗查之後證實佢傷勢嚴重，緣盡今屆賽事，將會返回阿仙奴養傷。

基蘭泰亞尼上場踢到61分鐘，防守對手反擊時，整傷腿筋，佢當時失望掩面，已經深知不妙，並需要用擔架抬離場。領隊奇勒透露，基蘭泰亞尼傷勢嚴重，預料需要休息一段長時間，安排佢退隊，盡快接受治療。

現年27歲嘅基蘭泰亞尼上季被阿仙奴外借去皇家蘇斯達，踢20場西甲，佢可以勝任左後衞同中堅，缺陣之下勢，勢必影響蘇格蘭下周一(24日)凌晨最後1場分組賽對匈牙利嘅部署。