歐國盃早場免費睇 格魯吉亞捷克搶分入球騷
2024年06月22日 15:05
東網電視
更多新聞短片
歐國盃F組，格魯吉亞對捷克。
歐國盃F組，格魯吉亞對捷克，兩隊同樣首場輸波，為爭出線今場不容有失。歐國盃「新丁」格魯吉亞上場踢出血性，尾段瘋狂進攻幾乎令土耳其防線失陷，絕對不容小覷；捷克係歐國盃常客，過去多次喺小組第2場發力，近7屆歐國盃分組賽第2輪6次開3球或以上，吼實2.5球入球大。（Viu TV99及Now 618周六晚9時直播）
格魯吉亞上場歷史性初登歐國盃大舞台，力戰土耳其輸1比3，梅斯前鋒米卡達捷取得球隊喺歐國盃首個入球，今場再度上陣對捷克，將會繼續為出線而戰，今次將會全力搶分，球員戰意毋須懷疑。
捷克首場對同組實力最強嘅葡萄牙，戰至下半場取得領先，盧卡斯普禾特外圍放冷箭先開紀錄，不過入波後反而守唔住葡萄牙強攻，先有羅賓夏蘭歷嘅烏龍波，末段再有後防解圍犯錯，最終連失兩球輸1比2，分組賽餘下兩場對格魯吉亞及土耳其，將會全力搏殺。
面對呢啲環境，捷克可謂有晒經驗，小組第2場例必發力搶分，對住同組牌面最弱嘅格魯吉亞，肯定唔會手軟，至於格魯吉亞上場踢成點大家有眼睇，勢必同捷克鬥攻，預計係一場入球騷。
馬會「半場速決」遊戲 留意有冇12碼
歐國盃2024半場速決遊戲，首6日賽事的半場問題分別是上半場有幾多個開出角球（德國對蘇格蘭）、上半場有幾多面黃牌（匈牙利對瑞士），上半場兩隊一共作出了多少位球員調動（波蘭對荷蘭）、半場賽果（羅馬尼亞對烏克蘭）、李安度杜沙特的國家隊球衣號碼（比利時對斯洛伐克）、上半場幾多分鐘入第1球（土耳其對格魯吉亞），有冇烏龍波（德國對匈牙利），以及誰是球證（斯洛餓克對烏克蘭），故今晚格魯吉亞對捷克，球迷可先從這些方向入手。
另外，球迷亦可以留意其他細節位，例如是上半場有冇12碼、紅牌數目或總入球。
即刻玩：
更多賠率：