麥巴比被歐洲足協禁用「三色面罩」

當大家期待法國球星基利安麥巴比戴住「法國色系」護罩落場之際，歐國盃賽會卻發出禁令，據歐洲足協規定只能容許配戴單一顏色嘅護罩上陣。

早前被撞傷鼻樑嘅麥巴比，新造型成為近日歐國盃嘅焦點之一，但尋日法國對荷蘭一戰，佢戴上一個全黑色嘅新面罩現身，並進行賽前熱身，而最後都沒有落場比賽。

據外媒報道指，跟據歐洲足協嘅第42條規定：「比賽場上佩戴嘅醫療設備必須係單一顏色，並且唔可以讓球隊或制造商被識別。」換言之，麥巴比日前戴上嘅藍白紅三色兼印有國家隊公雞標誌嘅「法式面罩」被禁用，無法登場。

不過，法國對荷蘭一戰，麥巴比最終沒有上陣，只是賽前熱身戴着新面罩進行了簡單運球；而法國隊下一仗將與波蘭碰頭，合演小組嘅最後一場賽事。