一個原因！C朗唱國歌側身企

歐國盃F組首場旗開得勝嘅葡萄牙，周日（23日）凌晨會硬撼土耳其，當中作為史上第1位有份參與6屆賽事嘅王牌基斯坦奴朗拿度，場內外一舉一動自然成為焦點。近日就有外國媒體分析，依名39歲射手唱國歌永遠側身企嘅原因。

C朗拿度2003年開始代表葡萄牙喺國際賽上陣，至今踢咗208場比賽，攻入130球，屬於國家隊入球紀錄保持者。除咗場上表現拼搏，原來作為葡萄牙隊長，企最前嘅C朗拿度喺賽前唱國歌都有特殊舉動，就係永遠都會側身企，唔似其他隊友面向觀眾席。

而根據外媒透露，原因非常簡單，就係因為一向愛國嘅C朗想用正面角度，注視高掛場邊嘅葡萄牙國旗，藉此表達對祖國尊重。C朗早前對捷克踢足，不過未有士哥，睇吓今場可唔可以開齋，幫球隊爭取提早出線。