近23場國際賽創造28球　般費成葡國之魂

葡萄牙喺歐國盃F組以3比0大勝土耳其，般奴費南迪斯射入1球，根據統計，呢位29歲曼聯中場近23次為葡萄牙上陣，合共創造28球，包括射入15球及13次助攻，可堪稱為「葡國之魂」。

般奴費南迪斯今場除咗取得職業生涯首個歐國盃入波之外，並有55次觸球，39次傳球有30次成功交畀隊友，包括2次長傳，而9次同對手一對一爭波，亦有6次勝出。防守方面，般費亦有貢獻，包括1次成功封阻對手射門，以及3次剷波攔截，充分展現核心角色，一般相信將來C朗退役之後，般奴費南迪斯會成為葡萄牙新隊長。

另外，值得一提，貝拿度施華今場入波，歐國盃史上首次出現有曼城球員射入曼聯門將嘅情況，因為土耳其由紅魔鬼後備門將比恩迪亞把關，貝拿度施華亦當選今場最佳球員。