曼聯「黃金中場」3人入波　冠絕英超球會

曼聯上季英超成績強差人意，但一班紅魔鬼球員喺今屆歐國盃有出色表現，已經有3人取得入球，令曼聯成為今屆賽事目前最多球員入波嘅英超球會。

曼聯中場基斯甸艾歷臣喺首輪分組賽為丹麥射入斯洛文尼亞大門，至於麥湯米尼上場對瑞士，為蘇格蘭建功打開紀錄，加上般奴費南迪斯上場射入土耳其，換言之，已經有3位紅魔鬼球員喺今屆歐國盃入波。

緊隨其後係曼城，有2人入波，分別係貝拿度施華、奇雲迪布尼，至於阿仙奴、利物浦各有1人入波，分別係夏維斯、加普。難怪網民認為曼聯本身人腳強，只係領隊坦哈格唔識用。