碧咸再出手　國際邁亞密搶簽華拉尼

國際邁亞密班主之一嘅碧咸繼為呢支美職豪門簽入美斯、蘇亞雷斯之後，準備今夏再次出手簽入球星，根據英國《鏡報》爆料，碧咸已經將曼聯中堅華尼拉視為頭號目標，有望獲得呢位31歲法國名將以自由身來投。

華尼拉上月宣布等6月30日約滿之後，就會離開曼聯，曾經傳出多支沙特阿拉伯球隊有意以高薪簽入佢。《鏡報》最新消息指國際邁亞密亦加入搶人才行列，球隊現時即使排榜首，但陣容「頭重腳輕」，中前場擁有美斯、蘇亞雷斯、布斯基斯，左閘佐迪艾巴亦攻強於守，所以碧咸希望簽入1位星級中堅鞏固防線，提升爭標實力，華尼拉無疑係最佳人選。

美職轉會市場將於7月18日至8月14日開啟，碧咸能否成功說服華拉尼加盟，大家拭目以待。