富克洛大賽後備上陣入4球　歐洲第1人

德國喺歐國盃A組驚險逼和瑞士，「空中霸王」富克洛補時2分鐘入波再做英雄，繼揭幕戰對蘇格蘭後備上陣入波後，攻入今屆第2個入球。連同卡塔爾世界盃，富克洛已經有4次國際大賽後備上陣入波紀錄，成為歐洲第1人。

富克洛喺上屆世盃，對西班牙同哥斯達黎加都後備上陣入波，加埋今屆2球，成為首個4次喺國際大賽後備上陣入波球員，超越基斯(匈牙利)、雷哥斯達(葡萄牙)同舒賀爾尼(德國)嘅紀錄。富克洛喺德國19次上陣有13球同2助攻，當中只有6次正選，平均每50分鐘就貢獻一球，堪稱「效率王」。

31歲嘅富克洛賽後表示：「呢個追平入波對德國今屆賽事有好大幫助，可以保持球隊士氣同令全國歡欣。我依家感覺好好，好開心可以同球隊一齊經歷呢個時刻。」