安德列治用「丹麥勢力」斟曼聯中場艾歷臣

有傳比超勁旅安德列治，希望動用陣中兩名丹麥國腳卡斯柏舒米高、湯馬士迪蘭尼，喺歐國盃期間說服正效力曼聯嘅同鄉基斯甸艾歷臣，來季加盟球隊，相信成事機會頗大。

基斯甸艾歷臣喺兩場歐國盃分組賽同樣正選上陣，表現唔錯，第一場對斯洛文尼亞仲有波入，幫丹麥暫時守喺C組次席。而據比利時媒體報道，安德列治打算來季簽入依名進攻中場，仲諗住派出陣中兩名丹麥國腳卡斯柏舒米高、湯馬士迪蘭尼，喺歐國盃期間擔任說客，以說服艾歷臣加盟。

32歲嘅艾歷臣前季重返英超，加盟豪門曼聯，不過上季唔係太受重用，聯賽只係踢咗22場，仲要不時後備上陣。艾歷臣同紅魔鬼合約去到2025年夏天，如果佢繼續喺歐國盃保持好表現，相信都會好搶手。