卡拉科利對瑞士停賽　「轉職」做情報人員

意大利絕地逼和克羅地亞出線16強，卡拉科利交出助攻靚助攻亦係功臣之一，不過今仗食到今屆第2面黃牌，將要喺16強對瑞士停賽，呢位靚仔新星賽後表示，會以提供情報嘅方式為意大利爭勝出力。

卡拉科利上仗對西班牙擺烏龍而輸波，今場帶罪立功後表示：「我解釋唔到依家嘅感覺，因為實在太開心，我哋值得有呢個入波，我一直想為上場嘅烏龍波作出彌補，對國家隊作出貢獻。」美中不足係，卡拉科利因累積黃牌要喺16強停賽。

22歲嘅卡拉科利喺22/23球季曾效力瑞士班霸巴素利，又同瑞士國腳安杜尼、費奧拿、艾比斯查喺博洛尼亞做緊隊友，佢就話：「我好熟佢哋3個，喺巴素利踢嗰陣亦認識其他瑞士球員，雖然冇得落場，但相信我可以畀到一啲有用嘅資訊球隊。」