白禮頓有新獵物　睇中羅馬尼亞右閘

賣球員賺到盆滿缽滿嘅白禮頓又有新獵物，今期佢哋睇中踢緊歐國盃嘅羅馬尼亞右閘安德利拉迪奧，該球員現效力華歷簡奴，身價大約1,000萬歐元。(約8,340萬港元)

《世界體育報》報道，安德利拉迪奧近日喺歐國盃賽場表現出色，吸引多間專門轉售球員獲利嘅球會如白禮、基羅納同阿特蘭大等隊關注，其中白禮頓近年出售球員賺到笑，成為最賺錢嘅英超球隊之一。

安德利拉迪奧喺今屆歐國盃代表羅馬尼亞上陣，上季為華歷簡奴上陣16場入1球，華歷簡奴及維拉利爾各持有該球員50%擁有權，遇到好價錢就會出售。