英格蘭好消息　勞基梳爾可復出踢歐國盃16強

根據英國《鏡報》爆料，英格蘭左後衞勞基梳爾已經準備就緒，可以復出踢歐國盃16強對斯洛伐克，為爭標增添本錢。

勞基梳爾自2月中受傷之後，一直冇參加比賽，但仍然入選英格蘭大軍名單，引起爭議。呢位曼聯球星早前甚至一度缺陣操練，令人擔心佢舊患復發。英國《鏡報》最新消息指勞基梳爾近日可以參加練習賽，為復出做好準備。

勞基梳爾缺陣之下，領隊修夫基喺歐國盃3場分組賽都將踢慣右閘嘅捷比亞，移去左閘位置，難免影響佢發揮，加上呢位33歲紐卡素老將早前曾受小腿傷患困擾，對塞爾維亞一役，更加踢到抽筋，勞基梳爾復出，無疑可以減輕捷比亞嘅負擔。