坦哈格將再教曼聯3年　合約總值2.6億

曼聯願則上通過對坦哈格嘅考核，將會留用，短期內仲會同佢續約多2年，即係前後3年，以佢年薪900萬鎊計，合約總值2,700萬鎊(約2.67億港元)。

英國傳媒報道，坦哈格同意與曼聯續約，雙方代表正敲定合約細節，預計本周完成。新約內容包括教練團改組，雲尼斯達萊將會加盟。

曼聯已派代表接觸正在度假嘅坦哈格，告之佢將會繼續執教曼聯，當完成續約，曼聯亦會迎接新球季，預計於7月8日開操。