安東尼哥頓嚴重「炒車」　全身傷晒！

英格蘭備戰歐國盃16強對斯洛伐克，前鋒安東尼哥頓周四(27日)練波嗰陣，被影到面部、手、腳全部受傷，原來佢喺之前一日踩單車期間「炒車」，好在傷勢唔算太嚴重，無礙佢候命出戰淘汰賽。

安東尼哥頓上場後備上陣，表現生猛係英格蘭少數獲讚球員，據報喺周三(26日)一次輕鬆恢復性練習，安東尼哥頓就喺踩單車嗰陣「出事」，下巴瘀傷最為明顯，手背同膝部都有多個傷口，睇見都覺得痛。

隊友安斯干沙踢爆出事原因：「我去到嗰陣見到哥頓瞓喺地上成面血，我真係忍唔住笑，至少佢有戴頭盔，呢個好緊要！我估佢係踩錯煞車，英格蘭單車個煞車掣係喺另一邊。哥頓依家冇乜嘢，但我諗佢可能唔敢再踩單車。」