資深體育評述員鍾志光　獲教大頒授榮譽院士銜

將第9次參與奧運評述工作的本地資深體育評述員兼藝人「鍾仔」鍾志光，周五(28日)獲教育大學頒授榮譽院士銜，成為首位獲大學頒授院士銜的體育評述員。

「好開心！感謝提名我嘅人士，同遴選委員會通過，係對我咁多年體育評述員嘅工作一個肯定。講真，我都唔係好清楚點解頒授畀我，可能係奧運效應，又或者同我有參與文化推廣有關。不過點都好，好感恩，多謝晒！」是日獲多位電視台同事到賀的「鍾仔」表示。

近年在不同平台，有不少體育評述員湧現，身為「老祖宗」級別的「鍾仔」，寄語「後輩」們要抱有平常心，毋須硬與他人比較：「我入行嗰陣，可以選擇嘅平台唔多，所以同行亦都得嗰幾個。到咗今時今日，平台多咗好多，多咗好多評述員，大家各有各做，各有各風格，唔使硬要去同人哋比較。同樣亦唔使太過執着外界嘅評價，平常心，大家一齊努力！」