潮人變身球員爸爸　咸錫成斯洛伐克最強後盾

斯洛伐克將會同英格蘭爭逐歐國盃8強資格，講到呢支球隊嘅足球代表人物，拿玻里傳奇球員咸錫首屈一指，雖然呢位36歲名將上年宣布掛靴，但依家仍然為斯洛伐克做幕後工作，係佢哋挑戰歐國盃嘅最強後盾。

曾138次次表斯洛伐克上陣嘅咸錫，喺歐國外都有份出力踢過2場，上年夏天掛靴後，依家擔任國家隊經理一職，雖然唔會參與戰術等工作，但就負責處理球員問題，以朋友方式照顧一眾國腳嘅心理同生活需要。球員時代以潮爆「雞冠頭」搶鏡嘅咸錫，依家就妁樸實平頭裝加黑眼鏡造型出現，配合番佢「球員爸爸」身份。

斯洛伐克領隊卡桑拿表示：「如果我有個仔，我會想佢好似咸錫咁樣，即使擁有一個冠軍級嘅生涯，態度仍然好謙虛，佢性格好爽朗，所有人都鍾意佢，我知道咸錫對國家隊有幾重要，我從來冇聽過任何人講佢半句壞話。」