防線危機！奧地利4大守將缺席操練

奧地利係今屆歐國盃最令球迷驚喜球隊，佢哋喺D組力壓法國同荷蘭兩大名牌首名出線，可惜周三(3日)凌晨對土耳其嘅16強大戰出現防線危機，4名守將因傷患困擾缺席周五(28日)操練，真係考起領隊蘭歷克。

奧地利上場激戰下3比2贏荷蘭，不過陣中就出現多名傷，周五練習就有4名守將缺席，查奧拿受大腿傷患困擾、菲臘麥韋尼因感冒未有出現，菲臘連赫特同基亞菲特亦有傷在身，只被安排進行輕鬆嘅單獨練習，未有跟大隊操練。

奧地利躋身16強，已經追平上屆嘅史上歐國盃最好成績，如果贏埋土耳其就會創造歷史，而且8強對手將會係羅馬尼亞或「手下敗將」荷蘭，絕對有機會更進一步。