意大利中魔咒！近3屆衞冕球隊喪師16強

上屆歐國盃冠軍意大利，周日(30日)凌晨喺16強被瑞士淘汰，近20年來首次無緣進身8強，宣告衞冕失敗。原來自2016年開始，歐國盃衞冕球隊都係喺16強出局，意大利慘中魔咒。

2016年歐國盃，衞冕嘅西班牙喺16強被意大利淘汰，當屆冠軍就由葡萄牙奪得；2020年歐國盃，葡萄牙殺入16強後，亦以0比1輸畀比利時出局；今屆意大利同樣「命喪」16強。

意大利領隊史巴列堤賽後表示：「我喺今屆有啲新嘗試，結果唔係大家講得咁醜陋，我哋喺艱難嘅小組突圍。不過意大利喺根基本缺乏個性，呢個係我哋今屆學到嘅嘢。」