英、斯大戰前夕　兩個選美小姐各有心頭好

歐國盃16強開打，英格蘭周日會對住斯洛伐克，邊隊能夠入8強今晚自由分曉，而兩隊近日都有位選美小姐高調力撐，佢哋場外先鬥一番。

上個月啱啱成為首位「大Size」英國小姐冠軍嘅Milla Magee，雖然忙於做選後宣傳，但佢仍然不忘支持愛隊，早兩日更著住英格蘭波衫為三獅軍打氣，佢仲呼籲其他球迷停止批評球隊，為英軍加油：「我吔要停止再批評球隊，佢哋代表呢個美麗國家，對我嚟講係一個榮譽，佢哋依家都好大壓力。」

至於前斯洛伐克小姐Simona Leskovska，家陣係一個體育主播，佢今次仲有份落場作實地採訪，所以佢嘅社交平台不時上載踏走歐國盃球場嘅相，並且用行動證明自己唔係一個「花瓶」。

Simona其實都係一個超級球迷，佢曾經喺球場遇過C朗，即變身小粉絲，問到佢對於今屆歐國盃睇好邊隊捧盃，佢唔係撐自己國家，反而話「我估法國或者葡萄牙。」