曼聯新波衫出爐　3大新星做生招牌

曼聯官網周一(1日)公布新季主場波衫，由3大新星海倫、阿歷真度加拿祖同埋明奈做生招牌，配合口號「建立新時代」，預示新球季將以呢3位新星擔大旗。

新季波衫最大改動係換咗心口贊助，由「Teamviewer」改為「Snapdragon」，係美國高通公司旗下一個子品牌。

至於其餘設計，仍然用番傳統嘅「曼聯紅」，加入漸變效果，由胸到腹嘅紅色逐漸變深，至於「三間」放喺兩肩，再配條白色波褲。

值得留意嘅係，曼聯今次推出新波衫，除咗3位新星做主角，仲搵嚟麥湯米尼、利辛度馬天尼斯同奧拿拿出鏡，其中麥湯米尼同曼聯僅餘1年約，依家曼聯搵得佢，似乎「麥湯」留隊仲有彎轉。