美國不敵烏拉圭出局　貝赫達面臨被炒

星期二(2日)朝早美洲盃C組最後一輪，東道主美國表現持續不振，喺出線生死戰以0比1不敵烏拉圭，只排小組第3位無緣晉級8強。巴拿馬喺另一邊就以3比1力克破利維亞，以小組次名出奴線。美國未能出線，盛傳領隊貝赫達將會被炒魷。

烏拉圭嘅首名雖然好穩陣，但今場照排出強陣，前鋒由達雲紐尼斯掛帥，不過實力明顯高過急求勝利嘅美國。美國全場只得3次命中目標攻門，預期入球(xG)僅0.29，演出令球迷失望，而且更喺66分鐘被馬泰斯奧利華拉攻陷，輸0比1出局。

美國喺今屆美洲盃前，被睇好有力闖入較後階段賽事，佢哋陣中有唔少效力歐洲頂級聯賽球星，又有主場之利，可惜最終落得分組賽出局命運。據報領隊貝赫達雖然仍獲多數球員支持，但美國足總考慮到2年後以主辦國身份舉辦世界盃，需要由合適人選帶領球隊，貝赫達今屆成績未必畀到足總信心。

C組同時間另一場波，巴拿馬繼上場贏美國後，今場再以3比1擊敗玻利維亞，3戰得6分以小組第2次出線，第2度參賽嘅佢哋首次躋身8強。