比寧咸慶祝動作違規　8強隨時要停賽

祖迪比寧咸上場喺歐國盃16強對斯洛伐克，補時階段入波幫英格蘭扳平，成為一時佳話。不過依名中場卻被指涉嫌向對手，做出不雅慶祝動作，目前正被歐洲足協調查，8強對瑞士有機會面臨停賽。

英格蘭喺歐國盃16強憑住祖迪比寧咸補時階段倒掛追平，最終鬥到加時反勝斯洛伐克2比1，戲劇性晉級8強。不過比寧咸卻被指喺入波同埋賽後慶祝期間，涉嫌曾向對手後備席、女性工作人員，做出將手喺下體擺動後，再放到嘴邊嘅不雅動作，正被歐洲足協調查。

不過依名皇家馬德里球星事後即刻發文，澄清自己並非唔尊重對手：「依個只係對現場朋友開出嘅玩笑，我非常尊重斯洛伐克隊今晚表現，動作別無其他意思。」據悉，比寧咸好大機會只會被判罰款，未必需要停賽。