美洲盃8強全誕生　阿根廷穩入決賽？

美洲國家盃經過周三(3日)早上D組最後一輪賽事之後，8強球隊全部誕生，上屆冠軍阿根廷獨佔「舒適區」，8強對手只係厄瓜多爾，要過關並唔困難，如果打入4強，對手亦不外乎委內瑞拉或者加拿大，阿根廷進身決賽機會高唱入雲。

反觀上屆亞軍巴西只能以次名出線，8強要惡鬥另一支傳統勁旅烏拉圭，勝方喺4強好大機會遇上演出大勇嘅哥倫比亞，入決賽之前已經踢到殘，令阿根廷坐收漁翁之利。