真正死亡之組　E組4隊全軍覆沒

今屆歐國盃E組出現4隊同得4分罕見情況，雖然羅馬尼亞、比利時、斯洛伐克獲得出線權，但不約而同16強止步，換言之4隊已經全軍覆沒出局，難怪被網民封為「真正死亡之組」。

上述3支球隊之中，以斯洛伐克被淘汰最唔抵，因為大部分時間領先之下，卻喺補時5分鐘被英格蘭扳平，球員難免洩氣，導致加時倒輸，未能創造今屆最大冷門賽果。

至於比利時同樣唔好彩，即使對住勁旅法國，都創造唔少機會，但把握唔到之餘，更於85分鐘因為維頓漢擺烏龍輸0比1，注定冇運行。

身為E組首名嘅羅馬尼亞，16強慘吞荷蘭3蛋，同奧地利一樣，成為僅有2支未能晉級8強嘅小組首名出線球隊。