土耳其功臣涉不當行為被查　益晒荷蘭

歐洲足協宣布，向上場對奧地利梅開二度嘅土耳其中堅美列迪美羅展開紀律調查，認為佢喺上場比賽中有不當行為。

歐洲足協發出通告，指出歐國盃16強奧地利對土耳其賽事中，根據《歐洲足協紀律條例》第31條第4款，就涉嫌不當行為對美列迪美羅展開紀律調查。

據了解，美列迪美羅在賽事中展示含有政治敏感因素嘅慶祝手勢。該26歲中堅在比賽中頭頂腳踢，攻入兩球，又在後防一夫當關，擋住奧地利猛烈進攻，最終協助土耳其2比1擊敗奧地利。

如果美列迪美羅入罪，勢必被罰停賽，等如間接益咗荷蘭，荷蘭本身走線已經好靚，16強對羅馬尼亞輕鬆贏波，分組賽贏過佢哋嘅奧地利又畀土耳其踢出局，如果土耳其嘅晉級功臣都停埋賽，真係好事一件接一件噃。