巴甲快车！彭美拉斯上盘有“甘”执
2024年07月04日 17:02
东网电视
更多新闻短片
彭美拉斯近7场豪取6胜1负。(Getty Images)
巴甲快车，甘美奥主场硬撼彭美拉斯。今仗可谓强弱悬殊，甘美奥输到冇晒信心沦为下游，相反彭美拉斯愈战愈勇，为争标唔会hea踢，让平半一于捧上盘。（周五早上6时开赛）
甘美奥可以话系今季其中一支表现最差嘅巴甲球队，开咧后11场联赛赢得3场，最弊系入得8粒咁大把，系依家联赛入波最少球队，攻力弱到冇朋友，实在捧唔落手。就算单计近8场联赛，甘美奥仅得1胜1和6负，而赢波嗰场，都只系击败比佢哋更差嘅包尾大幡富明尼斯，今场难以睇好。甘美奥攻力差状态曳，真系见到都唔开胃。
另边厢，彭美拉斯开咧后表现平稳，踢咗13轮联赛录得8胜2和3负，现时位居前列，同几支争标分子如法林明高、保地花高等咬得好紧，佢哋虽然唔系火力最强球队，但至今只失9粒，系巴甲失波第2少球队，防守可谓固若金汤。
最重要系彭美拉斯状态弗到震，近7场豪取6胜1负，狂轰15球，信心爆晒棚。翻查纪录，双方之前6次正面交锋，彭美拉斯亦赢咗5次，摆明格食格，今仗为争标一定大打落水狗，上盘捧得过。
更多赔率：