電視台入更衣室直播　荷蘭球員慘情走光

歐國盃進入淘汰賽後更受關注，日前荷蘭對羅馬尼亞嘅16強賽事，有傳媒喺賽前特別「探訪」荷蘭更衣室，點知唔小心將荷蘭國腳除褲一幕直播出街，真係靠害！

電視台攝製隊開波前視察兩軍情況，直接走入荷蘭更衣室拍攝，當時一眾球星喺度專心備戰，喺更衣室角落一名球員並冇為意，突然除低條褲露出成個「八月十五」，電視台即視轉去其他畫面，但呢2秒嘅走光片段已經「通天」。

暫時未知「被走光」嘅球員身份，著名喜劇明星David Baddiel就抽水表示：「我唔肯定電視台係咪應該喺換衫嘅地方拍片，除非佢哋係有意揭開荷蘭嘅『底牌』。」