C朗射12码心跳数据　证超强心理质素

葡萄牙球星C朗拿度今届欧国杯表现受到批评，不过佢嘅无比斗志同心理质素就冇人可以否定，16强对斯洛文尼亚佢因12码宴客，一度激动痛哭，不过喺最后互射12码阶段，C朗承担责任为葡萄牙射入第1个12码，而佢当时嘅心跳数据曝光，更证明C朗超强心理质素。

C朗今届每场比赛都配戴心跳监测器，开发仪器嘅科技公司WHOOP近日就公开C朗喺互射12码期间心跳数据。喺加时赛结束同葡萄牙射赢12码两个时刻，C朗级得最高嘅180bpm(每分钟心跳次数)，预备射12码前逐步回落到140bpm，去到主射一刻就降至最低嘅100bpm，成功回复最冷静嘅心情去射入。WHOOP公开数据形容：“C朗喺足球场上无所畏惧”。