迪布尼答应加盟伊蒂哈德　曼城惨遭“拆骨”

英超冠军曼城面临被“拆骨”，继门将艾达臣摩拉斯有意转投沙特阿拉伯豪门艾纳斯之后，盛传中场灵魂人物奇云迪布尼亦已同另一支沙特劲旅伊蒂哈德，达成口头协议，准备今夏加盟，令“蓝月亮”可能一次过失去2位攻守主力。

根据英国各大传媒爆料，伊蒂哈德已经派人同呢位33岁比利时国脚见面，奇云迪布尼好满意对方开出嘅合约条款，并达成口头协议，愿意今夏加盟伊蒂哈德。

奇云迪布尼将于明夏约满，佢早前曾透露有意去中东“掘金”：“我仲有1年合约，必须为将来打算，以我呢个年纪，必须对一切持开放态度，去沙特踢2年，可以赚到惊人薪酬，等于我近15年球员生涯人工总和。”据悉曼城并唔会阻止奇云迪布尼离队，因为佢系球队史上最佳球员之一，必须尊重佢嘅决定。