香港隊　落實9、10月友賽　霍生：主教練招聘順利

足總主席霍啟山周五（5日）出席和富社企資助女足發展的記者會，會後接受傳媒訪問，透露港隊已落實9月份赴斐濟出戰三角賽，以及在10月主場鬥柬埔寨。同時「霍生」又提到港隊主教練的招聘進展。

足總早前已公布港隊會在10月10日作客列支敦士登，是日足總主席霍啟山受訪時，再透露港隊在9至11月國際賽期的賽事安排：「9月份港隊會作客斐濟，同埋所羅門群島踢三角賽，10月份就落實咗會喺主場對柬埔寨，最後11月我哋爭取緊1主1客比賽，希望多啲球迷支持港隊。」據悉，11月份其中1場為主場對菲律賓。

至於港隊主教練在7月1號已截止申請，「霍生」表示招聘過程順利，希望可盡快落實人選：「有好多人有興趣，但收到幾多份申請就唔方便透露。管理層依家篩選中，下一步安排面試，希望今個月內完成，8月頭落實適合候選人。」